Përfundojnë pjesët e para në Albi Mall Superligë: Në dy ndeshje mysafirët në epërsi, baras në Malishevë

Kanë përfunduar 45 minutat e para në tre sfidat e xhiros së 16-të që po zhvillohen në Albi Mall Superligë në Malishevë, Skenderaj dhe Ferizaj.

Malisheva dhe Prishtina janë baras 1-1 pas 45 minutave të para.

Drilon Hazrollaj kaloi vendasit në epërsi në minutat e para të ndeshjes me një gol të bukur nga distanca për 1-0.

Ndërkohë në miutën e 22-të mysafirët barazuan rezultatin në 1-1 me Endrit Krasniqin nga penalltia.

Ferizaj po humb nga Trepça ’89 me rezultat minimal 0-1, falë golit nga Albion Pllana.

Vlen të theksohet se Ramush Ramadani ka humbur penalltinë për vendasit.

Mysafirët në epërsi janë edhe në Skenderaj në sfidën Drenica – Dukagjini 0-1.

Ishte kapiteni i klinasve Altin Mërlaku që shënoi për 0-1. /Gazeta Olle/

Shkëndija shënon ndaj Shkupit, Shvercerat futen në fushë për të sulmuar futbollistët tetovarë  (Video)

Zyrtare: Ndërpritet ndeshja mes Shkupit dhe Shkëndijës