Përballje interesante në xhiron e 11-të

Në fundjavë zhvillohet xhiroja e 11-të në Prince Caffe Superligën e Kosovës në basketboll.

Derbi do të zhvillohet ndërmjet rivalëve të vjetër të basketbollit kosovar, Sigal Prishtinës dhe Trepcës. Prishtinasit kanë gjashtë fitore e katër humbje, kurse mitrovicasit kanë gjashtë fitore e tri humbje. Në takimin e parë të këtij edicioni, ‘Xehetarët’ fituan 80:75. Sfidat ndërmjet këtyre dy skuadrave gjithmonë kanë qenë interesante dhe kështu pritet edhe të dielën.

Liderja Peja me tetë fitore e një humbje do të ndeshet me Vëllaznimin, që numëron katër fitore e gjashtë humbje. Pejanët synojnë të vazhdojnë të jenë në krye të elitës, kurse kuqezinjtë kanë treguar paraqitje të mira në këtë edicion dhe synojnë paraqitje të mira edhe në Pejë.

Përballje shumë e rëndësishme dhe jetike do të zhvillohet ndërmjet Rahovecit dhe Bashkimit. Vreshtarët kanë një fitore e nëntë humbje, kurse prizrenasit kanë katër fitore e gjashtë humbje, andaj sfida pritet të jetë shumë interesante ndërmjet skuadrave që synojnë fitoren në këtë përballje.

Golden Eagle Ylli – Ponte Prizreni do të regjistrohet rezultati nga Liga Unike.

Prince Caffe Superliga – Java 11

E shtunë

19:00 Peja – Vëllaznimi

E diel

17:00 Sigal Prishtina – Trepça

19:00 Rahoveci – Bashkimi

Golden Eagle Ylli – Ponte Prizreni (REZULTATI I LIGËS UNIKE)

Reja thyen heshtjen dhe flet për të ardhmen e tij te Shqipëria

Giresse: Luajmë gjithmonë për të fituar, ja cila Kombëtare e fiton Botërorin