Pellegrini shpreson

Trajneri i Manchester Cityt, Manuel Pellegrini, thotë se skuadra e tij pati probleme për të krijuar shanse në gjysmëfinalen e parë në Ligën e Kampionëve ndaj Real Madridit, por do të ketë më shumë hapësirë në takimin e kthimit.

Dy skuadrat barazuan pa gola në Etihad në takimin e parë dhe kanë lënë gjithçka të hapur për takimin e dytë që zhvillohet javën e ardhshme në Madrid.

Pellegrini thotë se lëndimi i David Silvas në pjesën e parë i shkaktoi probleme skuadrës së tij.

“Mendoj se u mbrojtëm mirë, provuam të krijojmë raste, por humbëm topin shpesh, pasi Davidi u largua. Pritëm që Reali të luante lojë të ngadalshme. Fatkeqësisht kur e kishim ne topin, nuk mund të bënim dallimin. Patëm disa opsione, por nuk arritëm të shënonim. Mendoj se kemi luajtur mirë sivjet jashtë shtëpisë. Tani shkojmë në Bernabeu me të njëjtin qëllim dhe do të kemi më shumë hapësirë sepse Reali do të sulmojë më shumë”, ka thënë ai për BT Sport.

Pellegrini po ashtu ka shtuar se Silva nuk pritet të jetë i gatshëm për takimin e kthimit.