Peja (meshkujt) dhe Drita (femrat) përfaqësojnë Kosovën në Kupën Ballkanike në volejboll

Kampioni i Kosovës për meshkuj, Peja dhe ai për femra Drita, do ta përfaqësojnë Kosovën në Kupën Ballkanike në volejboll.

Kampionia e Kosovës në konkurrencën e meshkujve në sezonin e fundit, Peja, do të jetë ekipi që do ta përfaqësojë Kosovën në Kupën Ballkanike që do të mbahet në qytetin Sirnak të Turqisë.

Peja ka treguar formë brilante përgjatë sezonit të kaluar kur, përveç që triumfoi në Superligë, fitoi edhe Kupën, duke mposhtur në finale Ferizajn.

Pejanët do të kenë mundësi të matin forcat me disa prej top klubeve në Kupën Ballkanike, ku do të marrin pjesë ekipe nga Serbia dhe Turqia.

Edhe kampioni i Superligës së Kosovës në volejboll dhe fitues i Kupës, KV Drita, do të jetë ekipi i vetëm nga Kosova në konkurrencën e femrave që merr pjesë në Kupën Ballkanike, e cila do të mbahet në qytetin Banja Luka të Bosnjës dhe Hercegovinës.

Plot shtatë ekipe do të marrin pjesë nga vende si Bosnja dhe Hercegovina, Greqia, Maqedonia e Veriut, Rumania, Serbia dhe Turqia.

Ballkani shkëlqen në pjesën e parë ndaj La Fioritas, 45 minuta larg kalimit në raundin e tretë të Ligës së Konferencës

Interesim i jashtëzakonshëm për ta parë Dritën ndaj Antwerpit, shitën mbi pesë mijë bileta brenda 12 orëve