Ditën e djeshme, kombëtarja e femrave në basketboll ka nisur rrugëtimin e saj për fushatën eliminatore të Europianit 2023. Por, e para e vajzave të drejtuara nga trajnerja Mirza Alibegaj ka shkuar si mos më keq.
Ato janë mposhtur thellë nga Polonia me rezultatin 125-19. Plot 126 pikë diferencë në parket, në një ndeshje ku vajzat shqiptare nuk ia dolën për asnjë moment të përballonin furinë e polakeve.
Duke parë këtë paraqitje, me siguri objektivi për ndeshjet e radhës ndaj Turqisë dhe Sllovenisë do të jetë ai për të mos u turpëruar më shumë, pasi për të pretenduar më tepër duket e pamundur.
