Pacolli: I lumtur që Serbia do të hetohet nga FIFA për diskriminim, Graniti është dhe mbetet krenaria jonë

Kryetari i AKR-së, Behgjet Pacolli gjatë ditës së djeshme njoftoi se në rast të dënimit të Granit Xhakës nga FIFA, ai do t’ia paguaj dënimin. 

Megjithatë, lajmi i mirë është që Xhaka dhe ekipi zviceran nuk do të dënohen, por FIFA do të nis hetimet ndaj ekipit të Serbisë për shkeljen e tre neneve të kodit disiplinor, shkruan Gazeta Olle. 

Pas këtij lajmi, ka reaguar Pacolli, i cili thekson se Xhaka është dhe mbetet krenaria jonë.

“I lumtur që Serbia do të hetohet nga FIFA për diskriminim, ndër të tjera. Për këtë bëra thirrje edhe në Twitter dy javë më parë. Graniti është dhe mbetet krenaria jonë! Urime”, tha fillimisht Behgjet Pacolli në rrjetin social, Facebook.

Më pas në një koment në postimin e tij – Pacolli tha se Graniti po bën maksimumin për shtetin që i besoj, teksa nuk ka bërë veprime të rrugaçëve.

“Siç po shifet Graniti nuk është rrugaç dhe nuk ka bërë veprime të rrugaçëve. Ai ka bërë dhe po bën maksimumin që dikush jep për kombin e vetë në rend të parë dhe për shtetin që atij i besoj dhe e përvetësoj me krenari si qytetar të saj. Rrofsh sa malët Granit Xhaka, ti je dhe mbetesh nderi i kombit”, shtoi Pacolli.

/Gazeta Olle/