Odegaard tregon se kush e bindi të transferohet tek Arsenali

Mesfushori Martin Odegaard, është zyrtarizuar si lojtari më i ri i Arsenalit.

Norvegjezi u huazua nga Real Madridi për gjashtë muajt e ardhshëm pa mundësi blerje.

Arteta ishte personi që e bindi për kalimin në “Emirates”, e këtë gjë e ka konfirmuar edhe mesfushori.

“Me pëlqen Arsenali dhe gjithmonë me ka pëlqyer mënyra si klubi dëshiron të luaj. Është lidhje e mirë”.

“Arteta më dha ndjesinë se do isha i rëndësishëm nëse do vija këtu. Ai ishte vendimtar”, tha ai.

Mbetet të shihet në qershor, nëse Reali do lejojë shitjen e Odegaardit apo ta rikthejë në “Santiago Bernabeu”.