Një gjyqtar me shumë përvojë për derbin Prishtina – Drita, këto janë delegimet komplete

Futbolli kosovar vazhdon këtë mesjavë me ndeshjet e xhiros së 21-të në Superligën e Kosovës në futboll.

Kryendeshja zhvillohet në stadiumin “Fadil Vokrri” ndërmjet FC Prishtinës dhe Dritës të mërkurën.

Drejtësinë në këtë përballje do ta ndajë gjyqtari, Tefik Maloku me asistentët e tij, Fatlum Berishën e Bujar Selimajn.

Në takim tjetër shumë interesant ndërmjet Gjilanit dhe Ballkanit, gjyqtar kryesor do të jetë Dardan Çaka me dy ndihmësit e tij, Besnik Morinën dhe Imran Kabashin.

Genc Nuza do të jetë kryesor në “Riza Lushta” në duelin ndërmjet Trepçës ’89 dhe Llapit.

Derbin rajonal midis Feronikelit dhe Drenicës do ta drejtojë Selim Isufi me Alban Ejupin e Taulant Ibërdemajn.

Këto janë delegimet e plota të gjyqtarëve për javën e 21-të në elitën e futbollit kosovar:

Image