Nga Zhegrova te Muriqi e Korenica – vlerësimet e futbollistëve shqiptarë nëpër botë

Futbollistët kosovar kanë shkëlqyer edhe këtë fundjavë në arenën evropiane me klubet e tyre.

Kësisoj Telegrafi në bashkëpunim me SofaScore vazhdon t’i sjell për lexuesit e saj vlerësimet e pesë futbollistëve që kanë marrë notat më të larta në fundjavë.

Edon Zhegrova ka qenë fantastik për Lille, ku mori notën 8,3 në barazimin që kjo skuadër e mori te Lens 1-1.

Reprezentuesi kosovar asistoi në golin e vetëm të skuadrës së tij, pati katër pasime kyçe dhe gjashtë driblime të suksesshme gjatë 90 minutave sa qëndroi në fushë.

Me notë të lartë u vlerësua edhe Vedat Muriqi 7,6 në barazimin e Mallorcas 1-1 ndaj Valencias.

Ylli dardan nuk shënoi në këtë ndeshje, por dha një asistim për t’i siguruar një pikë skuadrës së tij.

Me asistim kontribuoi edhe Florent Muslija në fitoren e Paderbornit në udhëtim te Eintracht Braunschweig, derisa mori notën e njëjtë si Vedat Muriqi.

Mesfushori i ri Ismet Lushaku ishte fantastik për Varbergs në përballje me Djurgardens duke u vlerësuar me notë 7,5.

E paraqitje shumë të mirë pati edhe Meriton Korenica që luajti titullar ndaj Sakaryaspor duke u vlerësuar me notë 7,4.

 

View this post on Instagram

 

A post shared by Telegrafi Sport (@telegrafisport)

Ndeshja me Kosovën, Izraeli anulon rezervimin e hotelit në Prishtinë

Gliha: Kemi mungesa të shumta, rast i mirë për futbollistët e rinj