“Në mëngjes i thanë se kishte kancer, në mbrëmje gjykoi ndeshjen”, historia frymëzuese e gjyqtarit të ndeshjes Kosovë-Spanjë

Gazeta spanjolle Marca ia ka kushtuar një artikull gjyqtarit kryesor të ndeshjes mes Kosovës dhe Spanjës, Robert Madden, i cili në të kaluarën u diagnostikua me kancer, por që e luftoi dhe e shëroi me kalimin e kohës.

Një mëngjes në mars të vitit 2016, Robert Madden i lindur më 25 tetor të 1978, shkoi te mjeku për të kryer disa analiza.

Ata i thanë se kishte kancer të tiroides. Natën ai ishte duke bërë atë që i pëlqen më shumë në jetë: drejtimin e një loje futbolli në kampionatin skocez, shkruan Telegrafi.

Për muaj të tërë, ai luftoi sëmundjen deri sa e mposhti. I përmirësuar, por në trajtim të plotë, ai kishte forcën për të shkuar në Evropianin U-21 më 2017.

Sot, ky gjyqtar, i cili pothuajse gjithmonë buzëqesh në llogarinë e tij në Instagram, gjykon ndeshjen e Spanjën për herë të parë dhe atë në ndeshjen e sotme (e mërkurë) ndaj Kosovës në Prishtinë, përcjell Telegrafi.

Pjesa më e madhe e asaj fuqie dhe aftësie për të shkëlqyer u gjet nga Madden në rininë e tij. Ai ishte një atlet në distanca të gjata që shkëlqeu në kampionatet stërvitore skoceze derisa në moshën 19 vjeçare një dëmtim e detyroi atë të largohej.

Robert Madden

Pastaj ai filloi arbitrimin për të filluar gjithashtu një karrierë në distanca të gjata, sepse që nga viti 2010 atij i është dhënë stema e gjyqtarëve ndërkombëtarë të FIFA-s.

Deri më sot, Madden nuk e ka gjykuar Spanjën, por as Kosovën.

Rubiales falënderon presidentin Ademi për mikpritjen e ngrohtë

“Spanja luan në stadiumin e një tifozi të Barcelonës” – kështu i referohet Marca, legjendës Fadil Vokrri