Na nderon Mimoza (FOTO)

Kryetarja e Komunës së Gjakovës, Mimoza Kusari – Lila, së bashku me një ekip vrapues kosovar “Germa 555” kanë marrë pjesë në maratonën ndërkombëtare “Viena City Marathon” në Vjenë të Austrisë.

“Viena City Marathon” është organizuar për të 33-në herë, ndërsa është mbajtur më 10 prill.

Të gjithë anëtarët e Germia 555 përfunduan maratonën e plotë prej 42 km & 195 m në maratonën e 33-të të Vjenës, shkruan albinfo.ch. Ata arritën që dinjitetshëm të përfaqësojnë jo vetëm Kosovën, por edhe flamurin e saj, transmeton albinfo.

Kryetarja e Gjakovës, Mimoza Kusari – Lila, pas përfundimit të maratonës në llogarinë e saj sociale ka thënë se është krenare që përfaqësoi komunën e saj.

“Nëse mund ta ëndërrosh, mund ta bësh. të gjithë anëtarët e @Germia555 përfunduan maratonën e plotë prej 42 km & 195 m në maratonën e 33-të të Vjenës.

Në teatrin e emocioneve për herë të parë shtuam emrin e ‪#‎Kosovës dhe ishim krenarë për të. Krenare të përfaqësoj komunën time me #marathonmayor slloganin”, ka shkruar ajo duke treguar edhe emrat e anëtarëve që morën pjesë në këtë maratonë.

Anëtarët që përfunduan maratonën me flamurin e Kosovës janë:

  1. Ukë Gashi
  2. Mimoza Kusari – Lila
  3. Alban Jetullahu
  4. Arineta Mula
  5. Arben Lila
  6. Manushaqe Nura
  7. Bekim Fetahu
  8. Nebahate Maqastena
  9. Arten Bajrushi
  10. Uragan Alija
  11. Nizar Meta
  12. Arben Shatin – Shqipëri
  13. mimoza-1