Myrto Uzuni shënoi ndaj Juves dhe festoi si Ronaldo, fitore realizuan edhe Man Utd e PSG

Manchester United dhe Paris Saint Germain kanë shënuar fitore të rëndësishme në kuadër të xhiros së katërt të fazës së grupeve të Ligës së Kampionëve, duke mposhtur Basaksehir, respektivisht RB Leipzig.

Manchester United ka mposhtur 4:1 Basaksehir, ndërsa PSG, 1:0, RB Leipzig.

‘Djajtë e Kuq’ patën një pjesë të parë fantastike, ku shënuan tre gola.

Bruno Fernandes (7’ dhe 19’), Marcus Rashford (35’) dhe Daniel James (90′) shënuan për Manchester Unitedin.

Golin e vetëm për mysafirët e shënoi Deniz Turuc.

Në ndeshjen tjetër të këtij grupi, PSG-së i ka mjaftuar një gol i Neymar nga penalltia në minutën e 11’, për fitoren.

Në ndeshjen Juventus – Ferencvarosh, shqiptari Myrto Uzuni shënoi ndaj Juves dhe festoi në stilin e Cristiano Ronaldos. Juve më pas realizoi dy gola dhe fitoi 2:1.