Munishi: Nëse doni e përsëritim ndeshjen, iu mundi edhe me Collinën (FOTO)

Deklaratat e anëtarit të kryesisë së Dritës, Fisnik Kërçeli së gjyqtari Ilir Shuleta, i ka ndihmuar trajnerit të Hajvalisë, Ismet Munishit, nuk i ka pritur mirë ky i fundit.

Hajvalia shënoi fitore me shifrat 2:1 ndaj Dritës. “Nuk shkon kjo t’i referojë shoku shokut. Kjo nuk ndodh askund. Ruzhdi Breznica (Delegues i Gjyqtarëve) e dinë mirë se Ilir Shuleta e Ismet Munishi janë rritur së bashku, dhe natyrisht se i bënë edhe favore gjyqtari. Prandaj, nuk është dashur të delegohet ky refer”, ka thënë Kërqeli për GazetaOlle.com.

Në anën tjetër, Ismet Munishi është kundërpërgjigjur kështu. “Nuk i kam faj unë Dritës që lojtarët e saj në pjesën e dytë, nuk kanë mundur që të ecin. Dihet se goli i parë kur Drita shënoi nga penaltia, lojtari i tyre më parë ka qenë në pozitë jashtë loje. Këtë më së miri e dëshmon nota e ulët e gjyqtarin anësor”, reagon Munishi.

Ai ka edhe një porosi për Dritën. “Nëse dëshironi dalim nesër luajmë prapë, dhe prapë ju mund, si të doni. Nëse doni merreni edhe Collinën dhe prapë iu mund. Është e vërtet se e kam shok Ilir Shuletën, por është marre që të njolloset një gjyqtar i tillë i cili është ndër më të mirët në Kosovë”, përfundoi Ismet Munishi.

Goli i                                                                                                                                                                                                                                                                                                            Goli i parë i Hajvalisë që u kontestua                                                                                                                                                                                                                                                                                                  ofsajdi                                                                                                                                                                                                                                                                                                          Ishte apo nuk ishte pozitë jashtë loje, vlersojeni vet