Prishtina dhe Malisheva do takohen nesër, në sfidën e vlefshme për javën e 30-të kampionale në elitën e futbollit kosovar.
Bardhekaltërit janë në një pozitë stabile në renditjen tabelare, por kjo nuk do të thotë se nuk do luftojnë për tre pikë, shkruan Gazeta OLLE.
Ardian Muja, në një intervistë për faqen zyrtare të klubit, ka komentuar ndeshjen e ardhshme:
“Ndeshjes do t’i qasemi me seriozitetin më të madh, duam të fitojmë takimin. Besoj shumë te grupi, e sidomos te kthimi i të gjithë bashklojtarëve nga lëndimi, e sidomos një paraqitje e mirë e nesërme do të ishte shumë pozitive para ndeshjes së mërkurës”.shtoi Muja
Kryeqytetasit ndodhen në vendin e pestë me 40-të pikë, 12-të më pak se Malisheva.
