Mourinho: Dua të sjellë trofe te Roma

Jose Mourinho gjatë verës mori drejtimin e Romës dhe deri më tani gjërat janë duke i shkuar mirë në aventurën e re.

Në një intervistë për revistën ‘Esquire’, Mourinho ka thënë se dëshiron t’i sjellë trofe Romës.

“E kisha vizituar Romën si turiste, por tani e kaloj çdo ditë mes monumenteve historike dhe është vërtet e veçantë”.

“Interi ishte një përvojë tjetër, sepse shtëpia ime dhe terreni i stërvitjes për Interin ishin mirë jashtë qytetit, kështu që fëmijët e mi shkuan në shkollë në Lugano.

“Nëse më duhet të zgjedh një vend në Milano, padyshim që do të ishte San Siro, sepse këtu kemi bërë historinë dhe kam pasur kontaktin tim të vërtetë me tifozët e Interit”

“Është ndryshe në Romë, unë jetoj në qendër, kështu që kjo më ndihmon të kuptoj se sa i veçantë është klubi për këtë qytet”.

Mourinho u pyet se si është përmirësuar gjatë 10 viteve të fundit, që nga fitimi i ‘Tripletës’ me Interin?

“Në çdo mënyrë. Nëse një trajner nuk përmirësohet, është sepse ai ka humbur pasionin ose mentalitetin për të vazhduar të mësojë çdo ditë. Mosha ose aftësia fizike janë të parëndësishme në këtë profesion, ju mund të përmirësoheni vetëm me përvojë”.

“Do të kem kohë të shikoj trofetë e mi kur të tërhiqem, por tani dua të mendoj vetëm për ndeshjen e radhës. Ndihem më shumë si trajner tani sesa 10 apo edhe 20 vjet më parë ”.

Roma nuk ka fituar asnjë trofe që nga Coppa Italia në 2007-08, diçka për të cilën Mourinho është shumë i vetëdijshëm.

“Unë do t’i jepja tituj Romës, sepse një klub jeton me tituj dhe ato nxisin pasionin e tifozëve. Menjëherë kuptova se dashuria për Romën këtu shkon përtej trofeve, është një pasion i përjetshëm, është në gjak dhe është familjar.

“Sidoqoftë, fitorja është ajo që mungon dhe ne po ndërtojmë një projekt për të arritur atje. Nëse vjen me mua në krye, e përsosur, përndryshe do të jetë e mrekullueshme të di që kam kontribuar në ndërtimin e kësaj të ardhmeje, e cila është ëndrra për të gjith”.

“Nuk u befasova nga pasioni, sepse kam jetuar dhe punuar në Itali për dy vjet, kam luajtur kundër Romës shumë herë, kështu që atmosfera është e pamohueshme”, tha Jose Mourinho.

Haxhi Krasniqi – Dominic Boesel, statistikat e plota të dy boksierëve

Isak kërcënon Kosovën: Duam vetëm fitoren