Momenti më i bukur i mbrëmjes, Messi dhe Ronaldinho takohen pas shumë viteve në Paris

Ronaldinho ishte njeriu që e transformoi Barcelonën para epokës së Lionel Messit. Kampioni i botës u largua pikërisht nga Paris Saint-Germaini në verën e vitit 2003 për të shkuar në Camp Nou, ku i kaloi pesë vitet më të suksesshme të karrierës së tij.

Asokohe, ai ishte futbollisti më i mirë në planet duke u shpallur lojtari më i mirë në botë sipas FIFA-s në dy raste (2004 dhe 2005).

Dhe nuk ka dyshim se Messi është ndër ata që e vlerësojnë rëndësinë e magjistarit braziliani në historinë e Barcelonës dhe këtë e ka thënë për ish-bashkëlojtarin e tij në intervistat e kaluara.

Nuk duhet harruar se Ronaldinho ndihmoi në fillimin e karrierës mbresëlënëse të argjentinasit dhe që atëherë ata mbetën miq.

Dy yjet e futbollit jugamerikan janë ribashkuar në Parc des Princes para fillimit të ndeshjes së Ligës së Kampionëve ndërmjet PSG dhe RB Leipzig.

Messi vrapoi drejt vijës anësore për ta përqafuar Ronaldinhon dhe padyshim se ky është ndër rastet e bukura që presin ta shohin tifozët e futbollit.

Bujar Shabani paralajmëron Ballkanin për ndeshjen e nesërme: Synojmë pikët e plota

“Leo, ma jep fanellën tënde, unë ta jap nënën time” – djaloshi i ri çmend të gjithë me ofertën për Messin