Milani vazhdon me formë të dobët në Champions, barazon me Porton

Milani ka barazuar me Porton me rezultat 1-1 në kuadër të xhiros së katërt të fazës së grupeve të Ligës së Kampionëve.

Portugezët e nisën më mirë takimin, duke rrezikuar që në minutën e parë me Evanilson, por që topi i goditur nga ai shkoi ngjitur me shtyllën.

Në minutën e 6-të, Porto gjeti golin, ku Marko Grujic pasoi te Luiz Diaz, i cili ishte i saktë për 0-1.

https://twitter.com/Bau_Nickk/status/1455956935002533888?ref_src=twsrc%5Etfw%7Ctwcamp%5Etweetembed%7Ctwterm%5E1455956935002533888%7Ctwgr%5E%7Ctwcon%5Es1_c10&ref_url=https%3A%2F%2Ftelegrafi.com%2Fmilani-vetem-barazim-porton-shpresat-per-te-kaluar-tutje-jane-te-vogla%2F

Porto pas golit kishte dhe dy raste të tjera shumë të mira me Grujic, por që nuk gjeti rrjetën.

Milani rastin e vetëm të mirë në pjesën e parë e kishte në minutën e 34-të, por goditja e Olivier Giroud nuk qëlloi cakun.

Milani i vetëdijshëm që duhej të fitonte, në pjesën e dytë ishte më i rrezikshëm.

Goli i barazimit erdhi në minutën e 61-të, kur Mbemba shënoi në portën e tij për 1-1.

Milani ka mundur ta fitojë takimin, kur Ibrahimovic shënoi në minutën e 83-të, por goli u cilësua si pozitë jashtë loje.

Kuqezinjtë me vetëm një pikë pas katër ndeshjes, ka pak gjasa që të kalojë tutje, ndërsa Porto tani ka 5 pikë dhe është e dyta.

Benzema i pandalshëm, Real Madridi merr një fitore të madhe

Kampionët fitojnë përballjen interesante ndaj Bashkimit