Cristiano Ronaldo dhe Lionel Messi do të luajnë kundër njëri-tjetrit së paku edhe një herë.
Kjo pasi të martën u konfirmua se Al-Nassr dhe Inter Miami do të marrin pjesë në Kupën e Riadit, që organizohet si turne miqësor në kryeqytetin e Arabisë Saudite.
Skuadra e cila do të ketë më shumë pikë do të fitojë turneun.
Turneu pritet të mbahet gjatë muajit shkurt të vitit 2024.
Ronaldo dhe Messi konsiderohen si dy prej lojtarëve më të mirë në histori të futbollit dhe rivaliteti mes tyre, veçanërisht sa ishin pjesë e Real Madridit përkatësisht Barcelonës, ishte kulmi i suksesit të tyre.
