Mesazhi fantastik që Klopp ia dërgoi Guardiolës për titullin e kampionit

Jurgen Klopp tashmë i ka dërguar mesazh Pep Guardiolës, pas shpalljes së Manchester Cityt kampion të Ligës Premier për edicionin 2020/21.

Manchester United u dhuroi rivalëve lokal titullin tre xhiro pa përfunduar edicioni, pasi pësuan humbje ndaj Leicesterit 2-1.

Kjo i mundësoi Cityt që automatikisht të shpalleshin kampion, derisa Klopp e ka uruar Guardiolën.

“Ishte një vit shumë i vështirë për të gjithë botën dhe natyrisht edhe për futbollin”, ka thënë strategu i Liverpoolit.

“Çfarë kanë arritur ata (City) në këtë vit, është fantastike. Është diçka speciale për ta dhe natyrisht që unë i uroj ata për këtë të arritur”.

Liverpooli aktualisht po lufton për një vend në Ligën e Kampionëve, pasi pozicionohet në gjashtin me 57 pikë, shtatë më pak se vendi i katërt Chelsea, mirëpo kanë dy ndeshje më pak të zhvilluara.