Emile Smith Rowe e hapi serinë e golave (13’) pas asistimit nga Mohamed Elneny duke i kaluar në epërsi Topçinjtë.
Bruno Fernandes me një goditje qendrore e barazoi rezultatin (44). Asistimi final ishte i Fred, ndërsa skuadrat shkuan në pushim me shifra identike.
Në fraksionin e dytë doli në skenë Cristiano Ronaldo (52’), i cili pas asistimit nga Marcus Rashford, i kaloi Djajtë e Kuq në epërsi.
Reagimi i mysfairëve ishte i shpejtë dhe Martin Odegaard i nivelizoi sërish shifrat (54’).
Porse një ndërhyrje e gabuar në Fred u ndëshkua me penallti pas konsultimit të VAR-it dhe Ronaldo ishte i saktë nga pika e bardhë duke shënuar në mes të portës (70’).
Me këtë fitore, Man Utd ngjitet në pozitën e shtatë me 21 pikë, ndërsa Arsenali ka 23 pikë në pozitën e pestë.
