Luli Berisha: Gjithmonë i kam mbrojtur dhe do t’i mbrojë Dardanët dhe Kosovën

Kosova u mposht mbrëmë me rezultat 2-0 në udhëtim te Greqia.

Ajo që bëri përshtypje ishte incidenti që provuan ta inskenojnë tifozët grek kundër Dardanëve në tribuna.

Kreu i i tifozërisë kosovare për mrekulli ka menaxhuar situatën, ku në fund nuk kishte asnjë të lënduar tek tanët.

E në lidhje me atë se çfarë ka ndodhur mbrëmë, Berisha ka bërë një deklarim në profilin e tij në facebook, te cilin mund ta lexoni më poshtë.

Postimi i plotë pa ndërprerje: 

Disa njerëz që kanë deficit kombëtar dhe patriotik, e që vuajnë nga ky kompleks, në momentin e parë mundohen të përfitojnë për t’i ulur të tjerët.

Për juve që nuk e dini, kjo nuk përbën risi, sepse disa më shanë edhe kur vendosa të bëhem pjesë e UÇK-së. Në guerilë isha 20-vjeç. Hyra me vendosmëri për ta mbrojtur pragun e derës, lirinë dhe dinjitetin e popullit tim.

Në atë moshë të re kërkohej guxim dhe personalitet të rreshtoheshe me ushtarët tjerë, me të cilët sot me të drejtë gëzojmë reputacionin e çlirimtarëve të vendit.

Njësoj u munduan edhe dje të më shanin. Tendenca për të më akuzuar dhe sulmuar për ikje nga përgjegjësia është e ulët dhe ngërthen në vete dashakeqësi, inat, urrejtje, neveri dhe mllef.

Mbi mua moralisht dhe jo vetëm, rëndonte organizimi i Dardanëve dhe gjithë të tjerëve që ishin në atë pjesë të tribunave. Kontributi dhe ndërhyrja ime ishte të mbroja secilin shqiptar, gjegjësisht të gjithë fëmijët, djemtë e vajzat, si dhe gratë – të cilët ishin me neve.

Nuk kam lejuar të eskalojë situata. Nga tastaturat kompjuterike dhe të pajisjeve tjera teknologjike është e lehtë të fyhet dhe të nxjerren përfundime të pabazuara në argumente.

Dhe, kuptojeni mirë: unë, Lulzim Berisha, i kam mbrojtur Dardanët dhe Kosovën pikërisht nga ju, të cilët sot fatmirësisht keni mbetur shumë pak dhe pa asnjë vlerë e relevancë. Siç i kam mbrojtur Dardanët nga çdo sulm, kryqëzim e linçim, do t’i mbroj sërish nga çdo e keqe. Vështirë ishte dikur, atëherë kur vetëm të përmendje togfjalëshin “kombëtarja e Kosovës”, të sulmonin me fjalë dhe çdo gjë tjera një tufë horrash. Tani është gjithçka më e lehtë.

Në çdo kontekst, si atëherë, si sot – do ta ngris zërin në çdo institucion për t’u ndihmuar Dardanëve me çdo gjë, sepse si lojtari i 12-të i kombëtares, jemi të vetmit të pazëvendësueshëm.

Prandaj, askush nuk mund dhe nuk do t’ia dalë të më ndaloj së dashuri Republikën tonë.

Me respekt,
Lulzim Berisha – Dardanët

/Gazeta Olle/ 

Liga e Kombeve vazhdon edhe sot me super-ndeshje, vëmendja në këtë përballje

Zyrtare: FC Ferizaj kompleton transferimin e gjashtë në merkato, prezanton mbrojtësin e ri