Llap pret Dritën në derbin e xhiros së 28-të në elitën e futbollit kosovar.
Lideri aktual i Albi Mall Superligës kërkon fitoren e 17-të këtë edicion në elitë, derisa përballë ka një nga kandidatët për titullin, Dritën nga Gjilani.
Përballja e të dielës do të jetë e katërta këtë edicion mes dy skuadrave, derisa Drita ka dy fitore 2-0 dhe 0-1, derisa një fitore tjetër ka Llapi 0-1.
Fitorja ndaj Dritës do të vlej dyfish për llapjanët. E para do ta mbanin pozitën e parë, derisa e dyta do ta largonin realisht një kandidat nga titulli, pasi do të shkonin gjashtë pikë më shumë se gjilanasit.
Gjithsesi në stadiumin ‘Zahir Pajaziti’ na pret një ndeshje fantastike me dy rivalët për titull, edhe pse Llapi është favorit i madh për ta fituar ndeshjen, duke marrë parasysh formën fantastike që po kalojnë. /Gazeta Olle/
