Skuadra e Llapit e ka fituar ndeshjen e dytë kontrolluese në kuadër të fazës përgatitore që po zhvillohet në Antalya të Turqisë ndaj skuadrës Akademija Pandev me rezultat të pastër, 2-0.
Golat e fitores erdhën në pjesën e dytë. Për dhjetë minuta bardhekaltrit krijuan avantazh prej dy golave (74′, 84′) me anë të Shillovës e Fazliut që u asistuan nga Peposhi e Maliqi.
Goli i parë erdhi pas depërtimit të bukur në zonë nga mbrojtësi i majtë, Ardit Peposhi i cili krosoi në zonë dhe më së miri u gjend aty Alban Shillova i cili me kokë realizoi për 1-0 (74′).
Me shënimin e golit të parë ekipi fitoi vetëbesimin e duhur dhe pas saktësisht 10 minutave arriti ta gjej edhe golin e dytë e të qetësisë me anë të Drilon Fazliut i cili u shërbye mjaft mirë në zonë nga e majta, aty ku Adem Maliqi depërtoi në mesin e 4-5 futbollistëve kundërshtarë (84′).
Trajneri Tahir Batatina u dha hapësirë të gjithë futbollistëve, përveç Sh. Shabanit, Hamdiut e Llapashticës që u pushuan për këtë ndeshje.
Llapi e nisi takimin me këtë 11-she:
Ilir Avdyli – Benjamin Emini, Bianor Neto, Ilir Krasniqi, Bujar Idrizi – Kushtrim Shabani, Arbnor Ramadani, Francisco Rivera, Valmir Veliu, Kastriot Selmani – Alef Firmino.
Në pjesën e dytë nga minuta e 55-të, trajneri Batatina u dha hapësirë edhe:
Marijan Coric, Ardit Peposhi, Elvis Prençi, Dardan Jashari, Dren Ahmeti, Edon Sadriu, Drilon Fazliu, Adem Maliqi, Festim Alidema dhe Alban Shillova.
Skuadra e Batatinës nesër do të zhvilloj ndeshjen e radhës kontrolluese ndaj Neftchy Fergana, e cila nis në ora 15:00 sipas kohës lokale në Turqi.
/Gazeta Olle/
