Liverpooli ka shënuar fitore ndaj Newcastle me rezultat 3-1 në kuadër të javës së 17-të të Ligës Premier.
Ndeshja nisi shumë mirë për mysafirët që shënuan që në start.
Ishte minuta e 7-të, kur Jonjo Shelvey shënoi gol të bukur me një goditje nga distanca.
Liverpooli rrezikoi disa herë para se të arrinte te goli, me Diogo Jotan dy herë.
Portugezi në rastin e tretë në dështoi dhe shënoi për 1-1.
The Reds morën epërsinë në minutën e 25-të, kur Mohamed Salah shënoi për 2-1.
Pjesa e dytë nuk solli shumë raste dhe të besuarit e Jurgen Klopp vetëm në fund siguruan fitoren.
Trent Alexander-Arnold shënoi në minutën e 87-të për 3-1 një gol shumë të bukur.
Me këtë fitore Liverpool mbetet në vendin e dytë me 40 pikë, ndërsa Newcastle mbetet në fund me 10 pikë.
