Lirim Kastrati ishte heroi i Ujpestit në finale, ai tregon për rëndësinë e golit të shënuar

Lirim Kastrati është heroi i Ujpestit.

Kastrati ka shënuar mbrëmë golin e fitores për ekipin e tij në finalen e Kupës së Hungarisë ndaj Fehervar, shkruan GazetaBlic Sport.

Futbollisti nga Kosova ka realizuar në pjesën e parë të kohës shtesë, më saktësisht pas 101 minutave lojë.

Kastrati thotë se është shumë i lumtur me këtë gol dhe me triumfin në Kupën e Hungarisë.

“Po, kam shënuar golin e fitores edhe jam shumë i kënaqur. Po hala ma i kënaqur për fitoren e Kupën, sepse si unë si klubi dhe Ujpest e meritojmë këtë kupë. Ndihem shumë mirë edhe krenar, ska gjë më të mirë”, tha fillimisht Kastrati për “GazetaBlic Sport”.

Në fund, ai theksoi se ky është goli më i rëndësishëm në karrierën e tij.

“Po, deri tani ky ka qenë goli më i mirë edhe më i rendësishëm në karrierën time”, përfundoi ai.

Vlen të potencohet se Lirim Kastrati ka qenë një ndër lojtarët më të mirë të Ujpestit në këtë stinor.