Liria reagon ndaj listës së Kosovës U-21

Përfaqësuesja U-21 ka udhëtuar sot drejt Dublinit, ku do të debutojë me Republikën e Irlandës, në kualifikimet për Kampionatin Botëror 2019.
Me këtë rast, klubi i Lirisë, ka reaguar në lidhje me listën e përzgjedhësit Rafet Prekazi.
“KF ‘Liria’ reagon dhe njëkohësishtë pyet, se si ka mundësi që në përzgjedhjen U-21, nuk është ftuar asnjë futbollistë i Lirisë? ’Është thënë vazhdimishtë që përparësi në këtë përbërje, por dhe në të tjerat, do të kenë lojtarët që janë titullar në klube. ’Ia bëjmë me dije zyrtarëve të FFK-së, shtabit teknik dhe seleksionusit të U-21, si dhe opinionit publik se Ilir Mustafa, tashmë ka mbi 22-të ndeshje që është i pa kontestuar në përbërjen bazë të Lirisë, duke shënuar edhe dy gola në stinorin vjeshtor”, thuhet në reagimin e Lirisë.
“Roni Gashi (titullar që në vjeshtë, si dhe tani) poashtu një futbollist me të ardhme, sikurse edhe Abin Memaj që deri në lëndimin (goditjen e qëllimshme të Gëzim Rusit, ndeshja Gjilani-Liria) ka qenë satrtues, duke luajtur dhe treguar performansë të shkëlqyer. Ku mbeti kriteri i përfolur se :’përparësi në grumbullim, do të kenë futbollistët titullarë? Poashtu, nuk është ftuar as edhe Ibrahim Gavazaj, një mborjtës i ri dhe me talent. Që të gjithë janë grumbulluar deri më tani në U-21 dhe kanë treguar vlera. Por, çuditërishtë ata mbeten jashtë grumbullimit të fundit dhe nuk u ftuan, madje asnjëri për ndeshjen kualifikuese në Dablin me Irlandën. Në këtë listë ka futbollistë të Ligës së parë, që hyjnë në lojë vetëm për pesë minuta, sa për të përmbushur detyrimin e lojtarit nën moshë. Kjo vërtet është trishtuese dhe s’do koment ‘ !!!”, shkruan tutje në reagimin e Lirisë.