Dy skuadrat më serioze për të fituar Ligën Unike janë Ylli dhe Peja, me super përforcimet që i kanë bërë në janar dhe formës që kanë treguar gjatë gjithë sezonës.
Peja ishte nikoqire e kampionëve të Ligës Unike dhe Art Motion Superligës, ndeshje e cila u vendos në sekondat e fundit, me rezultat 87-90.
Peja fillojë më mirë ndeshjen duke fituar çerekun e parë me dy pikë diferencë, 22-20. Në çerekun e dytë verdhezinjët u treguan shumë më efikas duke shënuar 27-të herë, duke pranuar 18-të pikë.
Shqiponjat fituan dhe çerekun e tretë me rezultat 22-20, rezultat i njejtë me fillimin e ndeshjes, por drama arriti maksimumin në fundin e ndeshjes aty ku xhebrailët rikthyen rezultatin në çerekun e katërt me rezultat 16-32.
Më i miri te Peja vazhdon të jetë Maxwell me 32 pikë, gjashtë kërcime dhe një asistim, ndërsa ish-lojtari i Pejës që tani është pjesë e Yllit, Henrik Sirko shënoi 24 pikë,11 kërcime dhe katër asistime.
