Lakers fiton edicionin e parë të Kupës në NBA, LeBron James shpallet MVP

Los Angeles Lakers kanë fituar trofeun e parë të Kupës së NBA, që është zhvilluar për herë të parë këtë vit.

Në finalen e madhe të zhvilluar në Las Vegas, Lakers kanë triumfuar ndaj Indiana Pacers me 14 pikë diferencë 123:109.

Ka qenë një ndeshjes e dominuar nga Lakers të cilët patën epërsinë gjatë gjithë ndeshjes dhe në fund arritën të fitojnë trofeun e parë të Kupës së NBA.

Anthony Davis ka qenë i jashtëzakonshëm në këtë sfidë me 41 pikë, 20 kërcime, gjashtë asistime dhe katër bllokada.

https://twitter.com/NBA/status/1733704554342908078

Me lojë të mirë u dallua edhe Austin Reaves me 28 pikë, derisa LeBron James shtoi 24 pikë, 11 kërcime, katër asistime e dy topa të vjedhur.

Te Pacers më efikasi ishte Tyrese Haliburton me 20 pikë e 11 kërcime, por që në fund nuk ishin të mjaftueshme për fitore.

LeBron James u shpall MVP i Kupës së NBA pasi kishte paraqitje të shkëlqyera në të gjitha ndeshjet deri në finalen e madhe.

Kjo ishte hera e parë që NBA organizon garat e Kupës, derisa Lakers dhe James do të futen në histori si skuadra e parë që fiton trofeun dhe lojtari i parë që fiton çmimin MVP.

Albi Mall Superliga vazhdon me ndeshjet e xhiros së 17-të, vëmendja në derbin e Anamoravës

Dita e derbit të Anamoravës: Të gjitha përballjet e pasluftës mes Gjilanit dhe Dritës në kampionat, kupë dhe ndeshjet miqësore