Kush është Dilivio Hoffman – holandezi që luante te Twente e po testohet nga Ballkani

Ka kohë që Dilivio Hoffman është bashkuar me Ballkanin dhe mund të jetë transferimi i radhës e kësaj skuadre.

Siç ka mësuar Telegrafi, Hoffman është bashkuar me Ballkanin në Turqi, ku skuadra është duke i kryer përgatitjet për stinorin pranveror.

Madje ai sot ka luajtur nga minuta e parë në miqësoren e sotme ndaj FC Oleksandrya, ku suharekasit fituan me rezultat 1-0 me golin e shënuar nga Meriton Korenica.

24 vjeçari Hoffman karrierën si profesionist e ka nisur te Twente,  ku ka luajtur për ekipin e dytë për një vit.

Ai karrierën e ka të ndërtuar kryesisht në Holandë, ku ka luajtur me klube si Xerxes, Den Bosch, De Treffers dhe SV TEC.

Sulmuesi anësor do të jetë në prova te Ballkani për disa ditë, ku pastaj do të vendoset për të ardhmen e tij nga trajneri Ilir Daja.

Ballkani në afatin kalimtar të janarit e ka afruar edhe mbrojtësin Lumbardh Dellova.

Infantino i shkruan Dukës: I shokuar nga shpërthimi në shtëpinë tuaj, keni mbështetjen e futbollit ndërkombëtar!

“Formacioni i mbjetesës” i Ulpianës, në bisedime edhe me dy futbollistë – njëri nga Superliga e Turqisë