Kumbulla shpreh dëshirën për të punuar me De Rosin

Marash Kumbulla u huazua në muajin janar nga Roma për te Sasuolo, me shpresën për të marrë sa më shumë minuta, duke qënë se mbrojtësi i Kombëtares vinte nga periudhë e gjatë pauze, sepse dëmtoi rëndë ligamentet e gjurit.

Por, nga vajtja te Sasuolo, Kumbulla nuk ka marrë minutat e pritura, kjo edhe për vetë faktin se ekipi ku luan edhe Nedim Bajrami rrezikon rënien nga kategoria dhe ndodhet aktualisht në vendin e parafundit.

Por, në një intervistë së fundmi, menaxheri i 24-vjeçarit u shpreh se Kumbulla do të dëshironte shumë që të punonte me Daniele De Rosin, trajnerin e ri të verdhekuqve. Kështu Roma nuk do të shpenzonte në merkaton e verës, pasi do të fitonte një mbrojtës me parametra zero kur Kumbulla të rikthehet në kryeqytet. /Gazeta Olle/

MKRS-ja ndan dy milionë euro për stadiumin e qytetit të Shtimes

Ish-sulmuesi i Uruguait ka një mesash për Medon Berishën