Kreu i FFK-së, Agim Ademi reagon për sulmin me tritol ndaj Armand Dukës

Pas sulmit me mjet eksploziv, respektivisht me tritol drejt shtëpisë së presidentit të Federatës Shqiptare të Futbollit (FSHF) Armand Duka, ka reaguar presidenti i Federatës së Futbollit të Kosovës (FFK), Agim Ademi.

Presidenti i FFK-së Ademi përmes llogarisë së tij “Facebook” e dënoi këtë akt, duke e cilësuar si ngjarje të rëndë për futbollin shqiptar dhe Shqipërinë si shtet në përgjithësi.

Më tej, presidenti kreu i futbollit kosovar i ofroi mbështetjen e tij dhe të komunitetit të futbollit kosovar presidentit Duka, duke kërkuar që sa më shpejtë të zbardhet ky rast.

Më poshtë e gjeni reagimin e plotë (pa ndërhyrje) të Ademit:

I tronditur me lajmin që mbrëmë vonë është sulmuar me tritol shtëpia e presidentit të FSHF-së, Armand Duka në Durrës.

Akti i tillë kriminal e i shëmtuar përveç se ka shkaktuar frikë e tronditje në familjen Duka, pa dyshim është një ngjarje e rëndë edhe për futbollin shqiptar dhe Shqipërinë si shtet në përgjithësi, veçmas duke pasur parasysh faktin se z. Duka është edhe anëtar i KE të UEFA-s.

Fatmirësisht miku im Armand Duka dhe familja e tij janë mirë dhe kanë kaluar pa pasoja nga ky akt i njerëzve të ligë.

Familjes së tij i ofroj tërë mbështetjen time dhe të komunitetit të futbollit kosovar, me shpresë që kryerësit e këtij akti të vihen para drejtësisë dhe në të ardhmen të mos ballafaqohet me ngjarje të tilla.

Peter Crouch i dashuruar me futbollin që e laun Armando Broja

Bora befason klubet tona në Antali, anulohen disa ndeshje kontrolluese