“YLLI I JAVËS” i xhiros së 9-të në Superligë është shpallur futbollisti Kreshnik Uka i Drenicës.
Sulmuesi 26-vjeçar, është ndër më të merituarit për rezultatet pozivite të ekipit kuqezi nga Skenderaj, si me lojën e shfaqur, ashtu edhe me golat e tij.
Uka shënoi dy gola në ndeshjen e javës së nëntë ku skuadra e tij e mposhti Feronikelin. Me këtë fitore Drenica u rikthye në pozitën e liderit në Superligë.
Çmimin “Ylli i javës” për sulmuesin e skuadrës së Drenicës e dorëzoi Fatos Rushiti, menaxher i degës të BKT në Skenderaj.
