“Krenaria jonë më e madhe është se jemi shqiptar” – Mërgim Vojvoda vjen me një deklaratë tjetër në rrjetet sociale

Mërgim Vojvoda është shfaqur shumë emocional pas ndeshjes mes Rumanisë dhe Kosovës të zhvilluar në Bukuresht.

Dardanët kanë pësuar humbje me rezultat 2-0 në udhëtim te Rumania duke zbehur gjasat për kualifikim.

Mërgim Vojvoda ishte shumë emocional në intervistën pas ndeshjes duke thënë se nuk është dashur të dilnin në fushë dhe se nëse do të ishte gjallë Adem Jashari do të ishte ndryshe për rumunët.

Më vonë mbrojtësi kosovar i Torinos është qetësuar dhe ka postuar një shkrim në llogarinë e tij në ‘Instagram’, duke kërkuar nga FIFA që të lejoj respektin të dominoj në ndeshje.

“Turp për Rumaninë dhe mënyrën e juaj se si mendoni. FIFA bëni punën tuaj dhe lerën respektin të dominojë lojën”.

Tutje mbrojtësi drenicasi ka shkruar se krenaria më e madhe e tij dhe bashkëlojtarëve të tij është se janë shqiptar.

“Krenaria jonë me e madhe është se jemi shqiptar”, ka shkruar Mërgim Vojvoda në ‘InstaStory’.

Përgjigja epike e Samir Ujkanit në drejtim të tifozëve rumunë pasi ata bën thirrje nacionaliste

Valon Murseli del publikisht: Pse mos të ftohen Kuc dhe Broja, mbrojtësit po luajnë në mesfushë te Kosova