Kosovari i vetëm i Premierligës me fans të flaktë Elton Johnin

Premier ligës angleze nga sezoni i ri i është shtuar edhe një futbollist tjetër kosovar. Prizrenasi Almen Abdi do t’i përjetojë për herë të parë ndeshjet futbollistike në njërën nga ligat më të forta në botë. Me nëntë gola të shënuara dhe pesë asistime, 28-vjeçari është ndër lojtarët më meritor për ngritjen e ekipit Watford në premierë ligën angleze.

Gjatë pauzës futbollistike Almeni ka vendosur që pushimet verore t’i kalojë në vendin ku u rrit dhe preku për herë të parë topin me këmbë, në Schëamendingen të kantonit të Cyrihut.

Ai po relaksohet dhe “mbush bateritë” që të jetë i gatshëm për sezonin e ri, ku e presin ndeshje të vështira futbollistike. “Jam i gatshëm për sezonin e ri. Lojën e parë do ta luajmë kundër Evertonit, ndërkohë në dhjetor do të kemi përballje kundër Liverpoolit, Tottenhamit dhe Chelseas”, ka thënë ai për “blick.ch”.

Por, më së shumti ai i gëzohet kur do të luajë kundër Mançester Junaitit, e cila ka qenë edhe një ëndërr e tij të luajë në atë stadium. “Të luaj në Old Trafort? Mrekulli”, përcjell albinfo.ch.

Gjatë bisedës për gazetën zvicerane, futbollisti i FC Watford ka zbuluar edhe një detaj. Ai ka thënë se fansi më i madh i tij dhe ekipit është ylli i muzikës angleze, Elton John. Ai çdo ndeshje i viziton lojtarët në kabina dhe i motivon për të luajtur sa më mirë. “Pa marrë parasysh se ku gjendet nëpër botë, Eltoni përcjell secilën ndeshje tonën”, thotë Almeni, duke shtuar: “Edhe pse është një yll bote, Elton John është person që qëndron me këmbë në tokë”.

Almen Abdi para se të luajë me ekipin e Watfordit, ka qenë futbollist i FC Zurich, pastaj Le Mans në Francë dhe Udineses në Itali.

JOHN