Të përzgjedhurat e Kushtrim Munishit patën paraqitje të mirë në 45 minutat e parë dhe arritën të mbajnë portën të paprekur.
Megjithatë, në pjesën e dytë erdhi në shprehje përgatitja më e mirë fizike e lojtareve turke, por edhe freskia e ekipit nga banka rezervë, teksa Munishi kishte në dispozicion vetëm 15 futbolliste.
Kësisoj, në minutën e 54-t Kombëtarja turke i zhbllokoi shifrat, derisa deri në fund të ndeshjes i realizoi edhe dy gola tjerë në saje të pakujdesisë në mbrojtje të vashave tona.
Miqësoren e radhës Dardanet e reja do ta zhvillojnë pasnesër, derisa për këtë ndeshje ekipit do t’i bashkohet edhe Loreta Lulaj.
