Përfaqësuesja e Kosovës në futboll sot nga ora 18:00 do ta zhvillojë stërvitjen e fundit para ndeshjes së nesërme miqësore kundër Jordanisë.
Dardanët do të udhëheqin këtë herë nga trajneri i ri Primozh Gliha, që zëvendëson Berndard Challandesin, i cili u shkarkua muajin e kaluar.
Në përgatitjet e fundit nga Dardanët pritet të bashkohen edhe kapiteni Amir Rrahamani dhe portieri Arijanet Muric, të cilët munguan në stërvitjen e kaluar.
Për Kosovën kjo miqësore është një test i rëndësishëm para takimit të së dielës, ku ndeshet me Greqinë.
Përballja Kosova – Jordani do të luhet nga ora 18:00 në stadiumin ‘Fadil Vokrri’, derisa biletat e ndeshjes kanë dal në treg ditën e djeshme.
