Kosova garon për herë të parë në “Main Round” për Euro 2026, konfirmohet ngritja e futsallit

Për herë të parë që nga anëtarësimi në UEFA, Kombëtarja e Kosovës në futsall do t’i fillojë garat kualifikuese për Kampionatin Evropian nga “Main Raund”.

Lajmin e ka bërë të ditur Federata e Futbollit të Kosovës përmes një postimi në faqen zyrtare.

UEFA Futsal EURO 2026 është edicioni i dytë që nga kalimi nga turneu çdo dy vjet me 12 ekipe në një turne final me 16 ekipe pjesëmarrëse që mbahet çdo katër vjet, pas Evropianit “Holanda 2022”.

Në këtë garë do të jenë të përfshira 48 ekipe kombëtare, me Letoninë dhe Lituaninë që kualifikohen drejtpërdrejt në turneun final si nikoqire dhe 46 ekipe të tjera që do të përfshihen në kualifikime.

Kombëtarja e Kosovës do të nisë ciklin kualifikues nga “Main Round”, shorti i të cilës fazë do të hidhet më 12 korrik të vitit të ardhshëm, ndërsa ndeshjet fillojnë nga 9 dhjetori 2024 deri më 24 prill 2025, ku secila skuadër luan me secilën skuadër në grup me sistem vajtje-ardhje.

Në “Main Round” do të krijohen 10 grupe me nga 4 ekipe, ku dhjetë fituesit e grupeve bashkohen me Letoninë dhe Lituaninë në turneun final, derisa tetë ekipet e vendeve të dyta luajnë në play-off për katër bileta tjera për Euro 2026.

Ky padyshim është një lajm shumë i mirë për fusallin kosovar, pasi konfirmohet ngritja që ka ky sport në vendin tonë viteve të fundit.

Dellova pritet të bëhet transferimi më i shtrenjtë në histori të futbollit kosovar, këto janë dy ofertat që ka Ballkani në tavolinë për qendërmbrojtësin

E konfirmon presidenti i federatës gjermane, shqiptarët kryesojnë për kërkesa biletash në Europian