Kida thotë se barazimi ishte rezultat real

Feronikeli ’74 dhe Malisheva kanë luajtur baras 0-0 në kuadër të xhiros së 13-të në Albi Mall Superligë.

Ka qenë një ndeshje shumë interesante me dy skuadrat që kanë krijuar raste të mira shënimi, por që në fund topi nuk futej në rrjetë.

Trajneri i Malishevës, Qëndrim Kida ka thënë se rezultati baras ka qenë real duke marrë parasysh rastet që kishin dy ekipet.

“Duke marrë parasysh rastet që i patëm nuk jam i kënaqur me barazimin. Megjithatë edhe vendasit kishin një penallti të humbur dhe një shtyllë të qëlluara, mendoj që është rezultati real”, tha Kida.

Tutje ai foli edhe për repartin defensivë, ku Malisheva e ka rregulluar shumë në tre ndeshjet e fundit.

“Në tre ndeshje nuk kemi pranuar gol dhe kur kemi bërë analizën kemi parë që problemi kryesor është në mbrojtje”.

“Kemi rregulluar këtë problem dhe të shohim në të ardhmen”, deklaroi Kida pas ndeshjes.

Pa fitues në Drenas, Feronikeli ’74 dhe Malisheva ndajnë pikët

Rexhepi i kënaqur me lojën e futbollistëve të tij, por jo me rezultatin