Tifozët vendas zbritën në fushë dhe u përplasën me lojtarët mysafirë, pasi Payet i Marseilles hodhi shishe të plastikës në drejtim të tyre.
Në lidhje me këtë çështje, federata franceze kishte hapur menjëherë një hetim, ndërsa janë marrë edhe vendime e para.
Klubi i Nices për shkak të dhunës së ushtruar do ta luajë ndeshjen e radhës në shtëpi pa praninë e tifozëve.
Pa dënim nuk ka shpëtuar as asistenti i Jorge Sampaolit, Pablo Fernandez i cili është pezulluar.
I njëjti që mban detyrën e trajnerit të fitnesit te Marseille u kap nga kamerat duke e goditur në fytyrë një nga tifozët që u përfshi në përleshje.
Sa i përket vendimit për çështjen e fitores në tavolinë, do të pritet deri në datën 8 shtator, aty ky komisioni i disiplinës do të vendosë se kujt i takojnë tri pikët.
Deri në minutën e 74-të kur edhe “shpërtheu” dhuna, rezultati ishte 1-0 në favor të Nice.
