Jurgen Klopp me fjalë të mëdha për Xherdan Shaqirin

Trajneri i Liverpoolit, Jurgen Klopp e ka lavdëruar sulmuesin shqiptar, Xherdan Shaqiri për ndeshjen ndaj Manchester United.

Shaqiri ishte në formacionin startues kundër Manchester Unitedit duke luajtur 76 minuta pastaj u zëvendësua me Curtis Jones.

Sidoqoftë, trajneri gjerman mendon se ka gabuar me vendimin për ta zëvendësuar Shaqirin, sepse ka mundur të luante edhe më shumë.

“Shaq është vërtet në formë të mirë. Ndoshta mund të luante edhe pak më shumë, mirëpo nuk isha i sigurt”.

“Ishte kohë e gjatë që nuk ka luajtur nga fillimi, por ishte vërtet i mirë. Shaq ishte aty dhe ndihmoi me të madhe”, ka thënë Klopp.

Shaqiri mund të jetë në formacionin bazë në përballjen e radhës kundër Burnleyt ku Liverpoolit i duhet fitorja. /Gazeta Olle/