Juniorët e Ballkanit tregojnë forcën, mposhtin thellë në Suharekë skuadrën lidere

Sot në Suharekë u luajt një ndeshje shumë e rëndësishme për kategorinë e juniorëve, raporton Gazeta Olle.

Kampionët aktual të Ballkanit pritën në stadiumin e qyteti skuadrën e vendit të parë, Trepçën ’89.

Pas 90 minutave të luftuara fitues me rezultatin e thellë 4-1 dolën vendasit.

Për mitrovicasit që sot vuajtën mungesën e Milot Avdylit që kishte detyra me skuadrën seniore kjo ishte humbja e dytë rradhazi pasi që edhe në vikend nuk ia dolën dot kundër Besës.

Tashmë, Ballkani qëndron me vetëm 2 pikë mbrapa dy skuadrave të para në tabelë, Trepçës ’89 dhe Gjilanit./GazetaOlle/