Kombëtarja e Italisë dhe ajo e Anglisë do të përballen sonte nga ora 21:00 në kuadër të finales së Kampionatit Evropian, shkruan lajmi.net.
Kjo ndeshje do të zhvillohet në stadiumin “Wembley” që ka kapacitet prej 90 mijë ulësesh.
Në këtë duel për shkak të masave të COVID-19 pritet të jenë rreth 65 mijë tifozë të pranishëm, shumica e tyre anglezë, ndërsa rreth 6600 bileta janë ndarë për tifozët italianë.
Ky numër tifozësh është shumë më i lartë në krahasim me sa ishin lejuar në fazën e grupeve në të njëjtin stadium 22.5 mijë tifozë, më pas ndaj Gjermanisë ishin 45 mijë tifozë, ndërsa sonte në finale pritet të jenë mbi 65 mijë tifozë.
