Itali – Angli, janë takuar 13 herë gjatë historisë – statistika në favor të Italisë

Itali – Angli do të jetë finalja e Kampionatit Evropian, që do të zhvillohet të dielën nga ora 21:00.

Anglia e ka eliminuar Danimarkën për t’u kualifikuar në finale të Kampionatit Evropian për herë të parë në histori, atje ku do të përballet me Italinë, që të martën e eliminoi Spanjën pas ekzekutimit të penalltive.

Finalja e “Euro 2020”, që do të zhvillohet të dielën nga ora 21:00, do t’i vë përballë dy vende që e njohin shumë mirë njëra tjetrën dhe gjatë historisë janë përballur plot 13 herë.

Italia ka qenë shumë më e mirë se Anglia, duke fituar më shumë takime në përballjet mes tyre.

Shtatë herë ka triumfuar Italia, dy herë Anglia dhe katër ndeshje kanë përfunduar me barazim.

Se si do të rrjedhin gjërat në finalen e së dielës, mbetet të shihet pas pak ditësh, ku edhe do të kurorëzohet kampioni i ri i Evropës.

Finalja e madhe e Euro 2020, Itali – Angli zhvillohet me 11 korrik në Wembley

Boshnjaku flet pas ndeshjes me Ferenvarosin: Rezultati nuk ishte pasqyrë reale e ndeshjes