Në konferencë u paraqitën kryetrajneri Ardian Nuhiu dhe futbollisti Hamdi Namani, shkruan Gazeta Olle.
Namani ishte pjesë e Llapit për plot gjashtë vite, ndërsa tani tregon nëse përballja ndaj ish-skuadrës së tij i sjell emocion të veçantë.
“Kam qenë për gjashtë vite pjesë e Llapit ku kam qenë edhe kapiten, por u bë viti e tretë që s’jam dhe nuk është ndjenjë e veçantë”, tha fillimisht Namani.
Mesfushori i gjilanasve gjithashtu zbuloi se cila është pika më e fortë e Llapit sipas tij.
“Prej se kam qenë unë pjesë e skuadrës, Llapi ka bërë shumë ndryshime, por për momentin sulmi është pika më e fortë e tyre, kanë sulmin shumë të shpejtë”, përfundoi ai.
/Gazeta Olle/