Ishte hero ndaj Deçiqit, por lëshoi rast ideal ndaj Feyenoordit – Muja kërkon falje përmes një shkrimi emocional

Drita u eleminua nga Feyenoord, pas një drame të vërtetë në Holandë.

Megjithatë, aventura e nënkampionëve të Kosovës në Conference League përfundon me kokën lartë, pas paraqitjes së jashtëzakonshme ndaj gjigantit holandez, shkruan Gazeta Olle.

Pas barazimit 0-0 në Prishtinë, bardhekaltrit u mposhtën 3-2 në Rotterdam, duke pranuar gol në minutën e fundit të ndeshjes dhe duke e humbur epërsinë prej 1-2 të pjesës së parë.

Teksa rezultati ishte 2-2, Arbnor Muja lëshoi një rast ideal për ta rikthyer epërsinë e gjilanasve, por i vetëm para portës u tregua i pasaktë.

Pas ndeshjes ka reaguar vetë futbollisti, duke kërkuar falje për gabimin e bërë.

“Të dashur Intelektualë dhe ju sportdashës, faleminderit për përkrahjen e juaj në qdo moment, iu jam falenderues gjithë jetën, desha të ju kerkoj falje per rastin e humbur, por ne eleminohemi me kokën lartë, ju premtoj një gjë, ky është vetëm fillimi”. ka shkruar Muja.

Kujtojmë se transferi i ri i Dritë gjatë afatit kalimtar veror, kishte ndikim të madh në eleminimin e Deçiqit në raundin e parë të Ligës së Konferencës. /Gazeta Olle/

Lutfi Haziri me fjalë të mëdha për Dritën: Krenaria e jonë, në disa raste i dha leksion 15 herë kampionit të Holandës

Presidenti Ademi: Urime Prishtina për kualifikimin, përgëzime Drita për paraqitjen mahnitëse