Interi shënon fitore të rëndësishme me përmbysje spektakolare të rezultatit

Interi ka marrë një fitore me shumë vuajtje nga Empoli 4-2 në kuadër të xhiros së 36-të në Serie A.

Vetëm pas pesë minutave lojë, mysafirët kaluan në epërsi kur Pinamonti realizoi pas asistimit nga Zurkowski për 0-1.

Mesfushori polak gjeti golin në minutën e 10-të, por që u anulua nga VAR për shkak të pozitës jashtë loje.

Empoli vazhdoi me befasi, kur në minutën e 28-të, mesfushori shqiptar Kristjan Asllani shënoi golin e dytë për ta ngritur epërsinë e mysafirëve në 0-2.

Pas epërsisë së dyfishtë të mysafirëve, Neroazzurët përvjelën mëngët dhe e morën më seriozisht ndeshjen.

Në minutën e 40-të epërsia u ngushtua në 1-2, kur Romagnoli shënoi autogol.

Ndërkohë pesë minuta më vonë Lautaro Martinez barazoi shifrat në 2-2.

Inter golin e epërsisë e gjeti në minutën e 64-të, me Lautaro Martinez që shënoi përsëri.

E krejt në fund të ndeshjes, ishte Alexis Sanchez që realizoi nga afërsia për rezultatin përfundimtar 4-2.

Me këtë fitore Inter ngritët në pozitën e parë në tabelë me 78 pikë, një më shumë se Milani që ka një ndeshje më pak të zhvilluar.

FC Prishtina me komunikatë zyrtare për arrestimin e Otto John, thonë se klubi nuk është në dijeni për arsyet e arrestimit

UEFA inspekton “Kukës Arena”, stadiumi përmbush kushtet për kategorinë e tretë