Inter – Milan, publikohen formacionet zyrtare

Sot në mbrëmje në “San Siro” duke filluar nga ora 18:00, do të luhet derbi Inter-Milan. Pritet një ndeshje e luftuar nga të dyja skuadrat, ashtu sicc kanë qenë gjithmonë ndeshjet mes tyre.

Megjithatë do të jetë një ndeshje, jo vetëm në fushë, por edhe në stol, ku do të maten dy stile dhe dy filozofi të ndryshme.

Inter-Milan do të jetë edhe Konte kundër Piolit, dy trajnerë të ndryshëm edhe nga pikëpamja e karakterit, që do të përballen për herë të dytë pas fitores 4-2 të zikaltërve 9 shkurtin e kaluar.

Atë mbrëmje rezultoi superior Konte falë një pjese të dytë befasuese, por Pioli megjithatë ndërtoi një Milan thuajse perfekt që dominoi në 45 minutat e para duke vendosur bazat për rilindjen e muajve të kaluar. Tani trajneri kuqezi kërkon hakmarrjen, ndërsa Konte synon të konsolidojë famën e tij prej “specialisti” në derbet italiane.

Përsa i përket formacioneve, nuk ka pasur surpriza, me Piolin që në minutat e fundit ka vendosur të startojë me Leaon në krahun e majtë të sulmit.