Inter 107-vjeçar: 10 momentet më të mira në histori të klubit

Klubi i njohur italian, Inter, sot feston 107-vjetorin e themelimit. Në listën më poshtë mund të gjeni dhjetë momentet më të mira në historinë e klubit që lindi më 9 mars 1908.

10. Trofeu i parë

10                                                                                                                                                                                                                                                                                        Në gusht të vitit 1909, kampionati italian futi rregulla të reja dhe Interi arriti të fitojë titullin e parë në sezonin 1909-1910. Ylli i Interit ishte Oscar Engler, i cili në finale të play-offit ndaj Pro Vercellit shënoi katër gola.

9. Kupat Evropiane

9                                                                                                                                                                                                                                                                                      Me Angelo Morattin si president dhe Helenio Herrera si trajner, Interi filloi një epokë të madhe në historinë e tij.
Moratti dhe Herrera ndërtuan të ashtuquajturin “Interi i madh”. Pas fitores së Scudettos, Interi morri pjesë për herë të parë në Kupën Evropiane (1963-1964) dhe arriti ta fitojë atë.
Interi arriti në finale kundër “Real Madridit të madh” pa e humbur asnjë ndeshje dhe në fund fitoi 3-1 me golat e Mazzola (dy herë) dhe Milanit.

8. Fitimi i Intercontinental Cup për herë të parë

8                                                                                                                                                                                                                                                                                      Më 1965, Interi fitoi kundër Independiente. Ndeshja e parë përfundoi 1-0 për ekipin argjentinas, por në ndeshjen e kthimit, në sajë të golave nga Mazzola dhe Course, Inter fitoi 2-0.
Kjo ishte hera e parë që një ekip italian fitoi Intercontinental Cup.

7. Interi pushtoi Evropën për herë të dytë rresht

 

7

Në 1964-1965 “Interi i madh” fitoi kupën e dytë Evropiane rresht, e cila atëherë quhej Kupa e Kupave, kurse sot Liga e Kampionëve. Interi e kishte humbur ndeshjen e parë në gjysmë finale kundër Liverpoolit, por në ndeshjen e dytë Interi fitoi me një diferencë prej tre golash.Pastaj, në finale Inter mundi Benfican e Eusebios, 1-0 falë golit të Jair.

6. Ylli mbi kraharor

INT                                                                                                                                                                                                                                                                                          Në sezonin 1965-1966, pas një serie të sukseseve duke përfshirë dy Liga të Kampionëve dhe dy Intercontinental Cup, Interi arriti të mbledhë plot 10 tituj në ligë. Kështu lojtarët e Interit nisën të bartin fanellat me një yll, që konsiderohej ndër arritjet më të mëdha për klubin.

5. Kampionati rekord

1988                                                                                                                                                                                                                                                                                      Në verën e 1988, Interi nënshkroi me lojtarë të mëdhenj si Mateus, Brehme, Berti, Bianchi dhe Ramon Diaz.
Këta pesë lojtarë, nën drejtimin e teknikut Giovanni Trapattoni, arritën t’i mahnitin të gjithë duke e fituar kampionatin me rekord pikësh.
Më 1988 një fitore numërohej dy pikë, dhe jo si sot tre, dhe në këtë sezon Interi theu rekordin e ligës për pikët maksimale në fund të sezonit duke mbledhur plot 58 pikë.

4. Suksesi Evropian me Trapattonin dhe Marinin

 

TRAP                                                                                                                                                                                                                                                                                        Në fillim të viteve nëntëdhjetë, pas fitimit të kampionatit me rekord pikësh, Interi grumbulloi edhe dy fitore të rëndësishme në Evropë.
Nën drejtimin e Giovanni Trapattonit, në 1990-1991, Interi fitoi Kupën e UEFA-s (Ligën e Evropës) për herë të parë në histori të klubit, duke mposhtur Romën në finale.
Triumfi i dytë erdhi tre vjet më vonë, në sezonin 1993-1994. Në atë kohë, me Giampiero Marinin si trajner, Interi e fitoi për herë të dytë Kupën UEFA duke e mundur në të dy ndeshjet Salzburgin.

3. Kupa e UEFA-s në vitin 98

 

RONALDO                                                                                                                                                                                                                                                                                      Në vitin1995, Massimo Moratti bleu sërish Interin.
Në vitet e para, Moratti nuk shpenzoi shumë, por tifozët Zikaltër duhet të prisnin deri në fund të sezonit 1997-1998 që të festonin. Në atë vit, Interi i Gigi Simonit, i drejtuar nga fenomeni Ronaldo, arriti të fitojë Kupën UEFA-s kundër Lazios. Interi bëri një finale të madhe, duke fituar 3-0 falë golave të Zamoranos, Javier Zanettit dhe Ronaldos.

2. Epoka e Mancinit

2005                                                                                                                                                                                                                                                                                    Duke vënë mënjanë pyetjet e zakonshme në lidhje me titullin e 2005-2006, ky ishte titulli i parë nën Roberto Mancinin dhe definitivisht do të mbetet në zemrat e tifozëve Zikaltër. Me trajnerin italian, i cili arriti më 2004, klubi i Massimo Morattit arriti të fitojë disa kampionate dhe kupa dhe më e rëndësishmja arriti të rikthejë mentalitetin fitues në ekip.

1. Tripleta dhe Mourinho

 

Bayern Muenchen v Inter Milan - UEFA Champions League Final                                                                                                                                                                                                                                                                                      Sezoni më i mirë në historinë e klubit nga Milano.
Për herë të parë në historinë e futbollit italian një klub italian fitoi të ashtuquajturën “Tripletë”, duke triumfuar në të gjitha garat e mundshme. Nën drejtimin e Jose Mourinhos, në sezonin 2009-2010, ekipi i Interit fitoi kundër të gjithëve dhe fitoi “Scudetton”, Kupën e Italisë dhe Ligën e Kampionëve.
Suksesi në Ligën e Kampionëve ishte shumë emocionues sepse Interi eliminoi Chelsean, Barcelonën dhe Bayernin. Të tre këto ekipe ishin kampionë aktualë në ligat e tyre. (Koha.net)