Infantino godet Evropën për hipokrizi pas akuzave ndaj Katarit, derisa thotë se Kupa e Botës 2022 do të jetë më e mira në histori

Kampionati Botëror ‘Katar 2022’ do të startojë ditën e diel më 20 nëntor dhe është i pari që do të zhvillohet në stinën e dimrit.

Por për këtë botërorë ka pasur akuza të rënda nga Evropa dhe për këtë është përgjigjur i pari i FIFA-s, Gianni Infantino.

Italiano-zvicerani ka akuzuar Evropën për ‘hipokrizi’ në raportimin e tij për të drejtuat e njeriut në Katar në pragë të fillimit të Kampionatit Botëror.

Infantinoka shtuar se ndihet nga Katari, arab, afrikan, homoseksual e punëtor migrant.

“Sot kam ndjenja të forta. Sot ndihem Katari, ndihem arab, ndihem afrikan, ndihem homoseksual, ndihem i paaftë, ndihem punëtor migrant”, tha fillimisht Infantino që dha një tjetër deklaratë të fuqishme duke shtuar se Evropa duhet të kërkojë falje për atë që ka bërë 3000 vitet e fundit.

“Jam evropian. Për çka kemi bërë për 3000 vjet në mbarë botën, ne do të duhet të kërkojmë falje për 3000 vjetët e ardhshme para se të japim leksione morali”.

“Nëse Evropa vërtet interesohet për fatin e këtyre njerëzve, ata mund të krijojnë kanale ligjore, njëjtë siç bëri Katari, ku një numër i këtyre punëtorëve mund të vijnë në Evropë të punojnë. Jepuni atyre të ardhme, pak shpresë”, vazhdoi tutje Infantino.

Tutje Infantino ka shtuar se ky moral nga evropianët është një hipokrizi, derisa ka thënë se Kampionati Botëror ‘Katar 2022’ do të jetë më e mira ndonjëherë.

“E kam të vështirë ta kuptoj kritikën. Duhet të investojmë në dhënien e ndihmës për këta njerëz, në edukim dhe t’u japim një të ardhme më të mirë dhe më shumë shpresë. Ne duhet të gjithë të edukojmë veten, shumë gjëra nuk janë perfekte, por reforma dhe ndryshimi merr kohë”.

“Ky mësim i njëanshëm moral është thjesht hipokrizi. Pyes veten pse askush nuk e njeh përparimin e bërë këtu që nga viti 2016”.

“Katari është gati, do të jetë Kupa e Botës më e mirë ndonjëherë. Nuk kam nevojë ta mbroj Katarin, ata mund ta mbrojnë veten. Unë e mbroj futbollin”, tha Infantino.

Anglezët dalin kundër FIFA-s dhe rregullave të Katarit: Do të mbajmë shiritin me ngjyra të ylberit në krah

Vojvoda mendon largimin nga Torino