Baton Zabergja duket se po rilind nën drejtimin e trajnerit Ilir Daja te Dinamo e Tiranës, pas një periudhe të vështirë prej 18 ndeshjesh pa shënuar.
Daja, i cili kishte vlerësuar talentin e sulmuesit qysh në kohën kur ishte te Ballkani, ka ndikuar pozitivisht te Zabergja sapo u bashkuan te Dinamo, shkruan Gazeta OLLE.
Në ndeshjen kundër Partizanit, Zabergja shkëlqeu duke luajtur për 90 minuta dhe tregoi përmirësime të dukshme në lojën e tij.
Kjo formë u kurorëzua me golin e tij të parë në ndeshjen kundër Skënderbeut, duke i dhënë fund një mungese të gjatë pa gjetur rrugën e golit.
Puna e Ilir Dajës me sulmuesit është e njohur dhe Zabergja ka mundësinë të përfitojë maksimalisht nga udhëheqja e një trajneri të profilit të tij, duke shpresuar të rikthehet plotësisht në formën e tij më të mirë.
